Happy Hips er einstakt kerfi þar sem unnið er markvisst að liðkun og opnun liðamóta með jóga stöðum og losun á spennu í bandvef. Unnið er með alla vöðva líkamans en áhersla lögð á losun spennu í vöðvum við mjaðmalið. Með losun trigger punkta losum við um tog eða spennu í bandvef.

Með því tvinna saman jóga og bandvefslosun er hægt að auka liðleikann, bæta hreyfifærni, auka blóðflæði og bæta líðann í líkamanum.

Trigger-punktar eru spennupunktar sem safnast fyrir í vöðvum og geta sent frá sér leiðniverki eða doða til nær- eða fjærliggjandi svæða. Það sem gerist þegar losað er um bandvefinn og trigger punktana er að bandvefurinn mýkist, lengist, það verður aukið orkuflæði og vökvaflæði og líkaminn hitnar.